2.వేకువతో చేరి వెలుగు

 వేకువతో చేరి వెలుగు రాతిరులను చూపలేవు

దీపాలతొ పోరి గెలుచు తిమిరాలను చూపలేవు

అనుభవమే చాలంటూ అనుబంధం  కాదందురె

మధుపాలను ఆపగలుగు పుష్పాలను చూపలేవు

ఆవిరి అయి నింగి కెగిసి ఆర్ద్రతతో వర్షించును

హరితాలను స్రృజియించని మేఘాలను చూపలేవు

మొదలంటా నరికేసిన తగదనకే చిగురొత్తును

కత్తివేటు నడ్డగలుగు వృక్షాలను చూపలేవు

పట్టుచీర కట్టిపడతి పసిడి కాంతు లీను తుంది

పట్టుపురుగు ఉసురు లెగియు ఖేదాలను చూపలేవు

 చిలక చిలక పుట్టే ది  అమృత మంటు తెలుసు కాని

నవనీతం వెలికి తీయు తత్వాలను చూపలేవు

రాళ్ళలో నీరుఉనికి మనమెరిగిన సత్యములే

మనుషులలో ఎదలకేమొ ? చలనాలను చూపలేవు

ఈ సృష్టి తనకేనను  నరుడు కదా సావిత్రీ

ప్రకృతి లోనె  మనిషి  అనే భావాలను చూపలేవు