మనికి మాపే దారి నేనిక
నడవ లేనని తెలుసు కున్నా!
వునికి కర్థం లేక బతుకును
గడప లేనని తెలుసుకు కున్నా!
వాపు చూపీ బలపు అంటే
ఓప మంటే ఓప లేనిక!!!
తోపు అనమన ఓటి కుండని
ఒప్ప లేనని తెలుసు కున్నా!
మదం ఎక్కిన మహా మూర్ఖుల
భ్రాంతి వాంతుల మయం లోకం!
కదం తొక్కెడి మృగపు తత్వం
మార్చ లేనని తెలుసు కున్నా!
రాలి ఆశలు! కాలి కలలిట!
సోలె బతుకులు ఓ సవిత్రీ
జాలె ఎరుగని వాడ లందున
మనగ లేనని తెలుసుకున్నా!
మాయ కమ్మిన జాల మెప్పుడు
చీలు నన్నది తెలియ కున్నది
హేయ మైనది జీవ నమ్మిట
మసల లేనని తెలుసుకున్నా!
వెన్ను విరిగిన నాడు కానీ
కన్ను తెరవరు బుద్ధి హీనులు!
ఉన్న దూడ్చుకు చేయి చాస్తే
ఇవ్వ లేనని తెలుసు కున్నా
దీపముండగ చక్కబెట్టక
చీకటింటన చిందు లాటలు
రేపు తలపే లేని వారికి
చెప్ప లేనని తెలుసుకున్నా
కామెంట్‌లు లేవు:
కామెంట్‌ను పోస్ట్ చేయండి